دنیا کے سب سے مہنگے ترین موبائل فون

موبائل فون آج ہماری زندگی کی سب سے اہم ضرورت بن چکے ہیں- دنیا بھر میں موجود مختلف موبائل کمپنیاں اپنے صارفین کے مختلف قیمتوں میں موبائل فون فراہم کر رہی ہیں جن میں انتہائی سستے بھی ہیں تو بہت مہنگے ہیں- ہم یہاں اس وقت دنیا کے سب سے مہنگے ترین موبائل فونز کا ذکر کرنے جارہے ہیں جن کی مالیت لاکھوں ڈالر ہے-

Vertu Signature Diamond
یہ Vertu کمپنی کا سب سے پرتعیش موبائل فون ہے- اس فون کی مالیت 88000 ڈالر ہے- پلاٹینیم سے تیار کردہ اس موبائل فون کو انتہائی خوبصورت ہیروں سے سجایا گیا ہے- اس کے علاوہ اس موبائل فون کو کسی مشین کے بجائے ہاتھوں سے اسمبل کیا گیا ہے-

iPhone Princess Plus
یہ آئی فون آسٹریا کے مشہور ڈیزائنر Peter Aloisson نے ڈیزائن کیا ہے اور اس کی خصوصیات دیگر آئی فونز کی مانند ہی ہیں- اس آئی فون میں سینکڑوں چھوٹے بڑے معیاری ہیرے نصب ہیں اور یہی وجہ ہے اس موبائل فون کی قیمت بھی آسمانوں سے باتیں کر رہی ہے- اس موبائل فون کی قیمت 1 لاکھ 76 ہزار 400 ڈالر ہے-

BlackDiamond VIPN Smartphone
دنیا کی آٹھواں مہنگا ترین موبائل فون سونی ایریکسن کا ہے جس کی مالیت 3 لاکھ ڈالر ہے- اس موبائل فون میں جدید ٹیکنالوجی کی حامل ایل ای ڈی اسکرین نصب ہے جس کے رزلٹ کا دنیا میں کوئی مقابلہ نہیں- اس کے علاوہ اس موبائل فون میں دو ہیرے بھی نصب ہیں- ایک ہیرا نیویگیشن کے بٹن پر جب دوسرا موبائل کے پیچھے کی جانب نصب ہے-

Vertu Signature Cobra
اس موبائل فون کے اطراف میں کوبرا سانپ کا ڈیزائن بنا ہوا ہے جو اسے منفرد بناتا ہے- یہ موبائل فرانس کے ایک جیولر Boucheron نے ڈیزائن کیا ہے- اس موبائل فون میں ہیرے اور 439 روبی پتھر نصب ہیں- تاہم دنیا کے اس ساتویں مہنگی ترین موبائل فون کی قیمت خفیہ رکھی گئی ہے-

Gresso Luxor Las Vegas Jackpot
یہ موبائل فون سوئٹزر لینڈ میں 2005 میں بنایا گیا تھا- اس فون میں 180 گرام کا حامل سونا نصب ہے جبکہ اس کا بیک پینل 200 سال سے بھی زائد قدیم لکڑی سے تخلیق کردہ ہے- یہ دنیا کی سب سے مہنگی لکڑی ہے- اس موبائل فون کے بٹن سفائر کرسٹل کے ہیں جبکہ اس کی قیمت 1 ملین ڈالر ہے-

Diamond Crypto Smartphone
یہ موبائل فون Peter Aloisson نے ڈیزائن کیا ہے اور اس کی مالیت 1.3 ملین ڈالر ہے- اس موبائل فون کے بیش قیمت ہونے کی بنیادی وجہ ہے اس کے کور میں نصب 50 ہیرے ہیں- ان میں 10 ہیرے ایسے ہیں جو دنیا بھر میں نایاب ہیں- اس کے علاوہ اس موبائل کی میں ایسی خصوصیات بھی موجود ہیں جو اغواﺀ کاروں اور بلیک میلروں سے بچاتی ہیں-

GoldVish Le Million
یہ موبائل فون Emmanuel Gueit کا ڈیزائن کردہ ہے جو اب تک متعدد پرتعیش جیولری اور گھڑیاں ڈیزائن کر چکے ہیں- یہ موبائل فون سوئٹزر لینڈ میں متعارف کروایا گیا- اس موبائل فون کی مالیت 1.3ملین ڈالر ہے- اس موبائل میں 18 قیراط کا وائٹ گولڈ 20 قیراط کے VVS1 نامی ہیرے نصب ہیں-

iPhone 3G King’s Button
اس آئی فون کو بھی آسٹریا کے Peter Aloisson نے ڈیزائن کیا ہے اور اس کی مالیت 2.4 ملین ڈالر ہے- اس موبائل فون میں 6.6 قیراط کے حامل سفید خوبصورت ہیرے نصب کیے گئے ہیں- اس موبائل فون میں 138 ہیرے نصب ہیں-

Leave a Reply

Your email address will not be published. Required fields are marked *