بلوچستان میں موسم سرد، زیارت میں درجہ حرارت صفر تک گر گیا

کوئٹہ: (وائس نیوز گروپ آف میڈیا ) بلوچستان کے بیشتر اضلاع میں موسم سرد اور خشک ہے، صوبے کے سرد ترین مقام قلات اور زیارت رہے جہاں درجہ حرارت نقطہ انجماد پر پہنچ گیا۔صوبائی دارالحکومت سمیت بلوچستان کے اکثر مقامات پر موسم بتدریج خشک اور سرد ہے۔ محکمہ موسمیات کے مطابق زیارت اور قلات میں درجہ حرارت صفر تک پہنچ گیا۔ صوبے کے دیگر اضلاع میں ریکارڈ کیے گئے درجہ حرارت کوئٹہ، گوادر اور تربت میں ایک، خضدار اور بارکھان 2، سبی 11 اور ژوب میں 5، نوکنڈی اور لسبیلہ میں بھی 2 ڈگری سینٹی گریڈ ریکارڈ کیا گیا۔محکمہ موسمیات نے آئندہ 24 گھنٹوں کے دوران موسم خشک اور سرد رہنے کی پیش گوئی ظاہر کی ہے۔

Leave a Reply

Your email address will not be published. Required fields are marked *