ڈالر کی قیمت بڑھنے سے پٹرول اور ڈیزل مزید مہنگا ہونے کا امکان

کراچی:(بیوروچیف نوید عامر سے ) ڈالر کی قیمت بڑھنے سے خام تیل بھی مہنگا ہو گیا جس سے پٹرول اور ڈیزل کی قیمتوں میں مزید اضافے کا خدشہ پیدا ہو گیا ہے، نئے سال کی آمد کے ساتھ ہی مہنگائی کا طوفان بھی سر اٹھانے لگا ہے۔امریکی کرنسی کی بڑھتی قیمت سے عالمی مارکیٹ میں خام تیل بھی 44 سینٹ مہنگا ہو گیا۔ خام تیل کے نرخ بڑھ کر 58 ڈالر 43 سینٹ فی بیرل ہو گئے ہیں۔ برطانوی منڈی میں خام تیل ایک ڈالر کے اضافے سے 65 ڈالر 62 سینٹ فی بیرل کا ہو گیا ہے۔ڈالر کی اونچی اڑان سے مقامی سطح پر درآمدی تیل کے اخراجات بھی بڑھ گئے ہیں جس سے مہنگائی کے ستائے عوام کو ایک اور دھچکا لگنے کا امکان ہے۔ نئے سال کی آمد پر پٹرول اور ڈیزل مزید 2 روپے فی لٹر مہنگا ہو سکتا ہے۔چنانچہ مہنگائی کے مارے عوام تیار ہو جائیں۔ ماہرین نے خدشہ ظاہر کیا ہے کہ پٹرول اور ڈیزل مہنگا ہونے سے گڈز ٹرانسپورٹ کے کرائے، کھانے پینے کی اشیاء اور درآمدی مصنوعات کے دام بڑھ سکتے ہیں جس سے مہنگائی کا نیا طوفان آ سکتا ہے۔

Leave a Reply

Your email address will not be published. Required fields are marked *